陳其茂

藝術類\版畫

1960

凸版版畫/木版/雕版

國立臺灣美術館

08000120

台語譯文：
廟佮市仔（tshī-á）是咱傳統社會四常人上濟的所在，這兩所在共咱的生活佮信仰扞做伙，是古早庄頭的要地佮重要的地標，早前咱臺灣的廟一般攏會有市仔，廟埕（biō-tiânn）就是民眾定定來遮賣家己種作的作物、抑是來買民生用品的集散地（tsi̍p-sàn-tē），嘛通佇遮食著真濟點心好食物（hó-tsia̍h-mi̍h）。這張版畫（pán-uē）作品所畫的就是這款景緻，用鑿刀代替畫筆，刻畫出常民生活（siông-bîn sing-ua̍h）的一部份，畫面的線條濟閣密，十分的精彩，作品的寸尺是真細塊，佇遮爾狹的空間，會當刻甲遮幼路斟酌，有影是無簡單，毋但按呢，作者囥入去的視野是不止仔曠闊，予咱無法度做一擺就共廟口佮廟裡密喌喌的人物看甲透，所有的細節攏袂凊彩，用捲鑿（kńg-tsha̍k）鑿出來一塊一塊白色的肥圓形，佮幼絲的橫逝經（kinn）一片好風日的天出來，予咱看會出來彼當時應該算是大型建築的廟寺，用優美的天際線（thian-tsè-suànn）來表現伊的壯麗，翹脊（khiàu-tsit）的四尾剪黏（tsián-liâm）的龍嘛刻甲真詳細，剪黏是廟的建築幼路閣媠的手工藝，會共顯目的瓷仔剪做一片一片，才閣黏佇塗坯頂面妝娗造型。畫面左爿下仔有刻其茂兩字，早期的作品常在用這款方式徛名。
賴欣宜，國立臺灣美術館典藏詮釋資料，2025。
廟宇和市集是傳統社會裡最常見的人群聚集場所，這兩個地方維繫著人們的生計和信仰，是古時小鎮重要的據點與地標，在台灣早年廟與市集經常聚合在一起，廟前的大廣場常是民眾販賣自家農產品或購買民生用品的集散地，同時也能在這裡品味許多小吃美食。這張版畫作品描繪的正是這樣的景象，以刀代筆刻劃一幕常民生活樣貌，以繁密的線條構成畫面，相當精采，作品尺寸十分小巧，在如此窄小的空間，如此精細刻畫實屬不易，不僅如此，作者捕捉了極寬闊的視野，一眼望不盡廟口與廟堂內的密密麻麻人物，每一個細節的描繪都不馬虎，以圓口刀挖刻的白胖塊面與細線交織出明麗和煦的天空，同時映現出當時應算是大型建築的廟宇，以優美的天際線展現其壯麗，燕尾廟頂四隻剪黏神龍的圖像亦詳實刻繪，剪黏是廟宇中剪貼鮮豔色彩磁片加以形塑的精美手工藝品。畫面左下角刻有其茂二字，是早期作品中常見的留名方式。
出處：國立臺灣美術館典藏詮釋資料。