蔡草如

藝術類\膠彩畫

1952

膠彩、紙本

國立臺灣美術館

09500126

台語譯文：
這幅號做〈合奏〉的膠彩畫，佇畫面正爿下跤的紅地毯面頂，徛名「錦添」，頓一个陰刻的「錦添之印」，是蔡草如佇1952年所畫的圖。這幅圖特寫兩男一女合奏樂器（ha̍p-tsàu　ga̍k-khì）的情景。視覺焦點主要囥佇畫面正手爿，彼位坦邊身（thán-pinn-sin）坐佇椅仔頂，目睭看頭前咧演奏手風琴（tshiú-hong-khîm）的女士，所畫的人正是伊的二妹罔市，穿一軀白底藍花仔的短䘼洋裝，配一雙白鞋，頭毛短短、毛尾小可仔虯虯，有智識分子彼款優雅的氣質，彼時來講，是較時行閣淡薄仔素雅的打扮；後壁徛咧挨小提琴（bai-óo-lín）的中年男士，穿一領長䘼的siat-tsuh、西裝褲、倒爿下頦佮肩胛頭共彼台bai-óo-lín挾（gia̍p）甲真絚，挨弦演奏面色誠注神；倒爿彼个穿短䘼siat-tsuh、卡其色休閒褲的男士，坐踮椅仔，觀眾佇伊尻脊後，頭向咧彈吉他（gih-tah），表情嘛足專心。
音樂演奏的身形、動作、神態，猶閣有手腕和手指頭仔幼路的動作，著愛斟酌觀察，閣愛有掌握形象的功夫，蔡草如為著欲畫這幅〈合奏〉，事先隨項隨項練袂少的圖稿，真謹慎咧準備。這幅圖雖然共𪜶三个隨人注心咧演奏家己的樂器畫甲誠頂真，毋過互相的動作、姿態佮表情中間，嘛是有微妙相叫應的關係，會當講是一幅蔡草如用心經營的膠彩畫作。
王雅玲，國立臺灣美術館典藏詮釋資料，2025。
這件名為〈合奏〉的膠彩畫，在畫面右下角的紅地毯上，款署「錦添」，下鈐陰文「錦添之印」，是蔡草如於1952年畫。此畫特寫兩男一女合奏樂器之情景。視覺焦點主要擺在右側側寫正坐椅上，平視前方彈奏手風琴的女士，係以其二妹罔市為模特兒，身穿白底藍花的短袖洋裝，搭配著白鞋，短髮末稍微捲，有知識分子之優雅氣質，在當時而言，是比較時髦又帶有幾分素雅的裝扮；後方立姿拉小提琴的中年男士，身穿長袖襯衫、西褲、左頷頷左肩緊夾著小提琴，拉弦演奏神情相當專注；左側著短袖襯衫、卡其休閒褲的男士，坐在椅上，背對著觀眾，低頭彈奏著吉他，神情也相當專注。
音樂演奏的身形、動作、神態以致於手腕和手指的細膩動作，需要相當精準的觀察以及形象的掌握功力，蔡草如為了畫這件〈合奏〉，事先分別練習了不少的草圖，準備功夫相當嚴謹。此畫雖然嚴謹捕捉了三人各自專注於自己的樂器演奏，然而彼此的動作、姿態、神情之間，仍有著微妙的呼應關係，稱得上是蔡草如用心經營的膠彩畫作之一。
出處：黃冬富，國立臺灣美術館典藏詮釋資料，2018。