蔡草如

藝術類\水墨畫

1944

水墨、紙本

國立臺灣美術館

09500154

台語譯文：
這件〈玩紙牌〉的水墨（tsuí-ba̍k）素描，是1944年畫的，彼陣蔡草如蹛佇東京，日時佇東京的情報局擔任畫圖員，暗時去川端畫學校學畫圖。畫內面有六个短頭毛學生款的少女（siàu-lú/lí），穿制服（tsè-ho̍k），佇室內的日本蓆（Ji̍t-pún-tshio̍h）坐一个圓箍仔形，真注神咧奕牌仔（ī pâi-á）。六个人屈咧坐，姿勢細膩優雅，頂身略仔向向（ànn-ànn），目睭攏釘佇咧牌仔頂面的牌局。正爿頂仔用日文題字「或る夜　伊藤宅でトランプやり。」（台譯：有一暝，佇伊藤𪜶兜奕khe-tsí-bang）。
這件群像水墨素描，構圖真有變化，隨人的動作佮表情互相有叫應、真活氣，其中干焦有倒算第三个女士，去予離畫家上倚的倒算四位用尻脊骿閘牢咧，干焦看會著半爿的面佮肩胛頭，咱若看伊的頭毛型佮表情，可能是內面較有歲的中年婦人人。上特別的是，這件素描是先用鉛筆速寫（sok-siá），才閣用淡墨（tām-ba̍k）來處理，光源對畫面倒爿頂仔落來，光影的效果真有營造畫面氣氛的路用。畫家經營這件水墨素描，通講是真用心，毋過後來是攏毋捌看著有照這張速描稿來畫的正式作品。
賴欣宜，國立臺灣美術館典藏詮釋資料，2025。
這件〈玩紙牌〉的水墨素描，係繪於1944年，當時蔡草如住在東京，白天在東京的情報局擔任繪圖員，晚上到川端畫學校習畫。畫中六位短髮學生模樣的少女，穿著制服，在室內圍坐在榻榻米上，聚精會神地專注於玩撲克牌。六人跽坐而坐姿含蓄優雅，上身微向前傾，眼神會聚於榻榻米上所鋪列之牌局。右上角以日文題上「或る夜　伊藤宅でトランプやり。」(中譯:某夜，在伊藤家打撲克牌)。
這件群像水墨素描，構圖頗富變化，彼此之間動作和神情都相互呼應得頗為傳神，其中惟有左三女士，為最靠近畫家的左四背對者擋住大部分而僅露出半邊臉以及局部肩膀者，就髮型以及神情觀之，有可能是年齡較長的中年婦人。值得注意的是，這件素描係先用鉛筆速寫，之後再以淡墨作進一步的處理，光源來自畫面左上方，光影效果頗能營造畫面之氛圍。畫家經營這件水墨素描，可謂頗為用心，然而始終卻未見依據此速描稿繪製而成的正式作品。
出處：黃冬富，國立臺灣美術館典藏詮釋資料，2018。