蔡草如

藝術類\水彩畫

1942

水彩、紙本

國立臺灣美術館

09700290

台語譯文：
這幅圖所畫的場景敢若是山內溫泉（un-tsuânn）區的旅社（lí/lú-siā）。畫家對溪崁（khe/khue-khàm）對岸的柴橋（tshâ-kiô）跤，略仔擔頭的仰視角度，取掠木造溫泉旅社的畫面。溫泉旅舍起佇坑溝墘，溪仔真掣流，溪底大大細細捅真濟圓石仔出來，溪墘有幾若位石坎（tsio̍h-gám），會當迵去旅社邊的溪底。旅社建築是三層起（sann-tsàn-khí），內面有幾若个頂身無穿衫的人並佇窗仔邊咧看山谷的風景。看著真輕鬆，就是浸溫泉了後人真神爽的感覺。遠景是發甲全草仔佮樹仔的山壁，畫內底攏無寫半字嘛無頓印仔，毋過佇溪墘有一欉木瓜欉（bo̍k-kue-tsâng），枝葉真茂閣生真濟木瓜（bo̍k-kue），略仔遮著主要的建築，毋但予景色有深佮淺的效果，嘛顯示所畫的場景應該毋是佇日本，可能佇臺灣。
畫中的木瓜樹，雖然表示應該毋是日本的景色，較有可能佇臺灣，總是這幅圖同齊用著水彩佮水墨，色調略仔殕藍殕藍（phú-nâ），佮作者去佇日本的時陣運用的色彩真接近。特別想欲提起一點，這幅圖雖然運用袂少筆線來畫、予畫面顯明，毋過基本上無刁工強調筆墨的表現機能。木造旅館的彩度佮明度，比四爿邊仔環境的殕藍色調加較懸，予主題焦點看較現。推測伊畫圖的年代，可能是蔡草如拄對日本回國的戰後初期。
賴欣宜，國立臺灣美術館典藏詮釋資料，2025。
此圖之描繪場景似乎為於山裡的溫泉區旅邸。畫家從溪谷之對岸之木橋下，略採仰視角度，捕捉木造溫泉旅舍之畫面。溫泉旅舍建在山澗岸邊，澗流湍急，河床上突出不少大小卵石，沿岸闢有數條石階，用以連通旅舍之河床。旅邸最高為3層，屋內有數人光著上身靠在窗邊眺望山谷景緻。一派輕鬆，顯然泡完湯後的悠閒放鬆。，遠景為草木蒙茸的山壁，畫中未署任何款印，但是岸邊長著一株木瓜樹，枝葉茂盛而結實累累，擋住了部分主建築，增加景深效果，也顯示出繪畫場景應該不在日本而且可能在臺灣。
畫中的木瓜樹，雖然透露出其場景應該不在日本，而以臺灣的可能性較高，但此畫水彩與水墨並用，色彩略顯灰藍調，與其旅日時期之色彩運用頗為接近。值得一提的是，此圖雖然運用不少筆線描繪醒提畫面，然而基本上筆墨的表現機能並不特意彰顯。木造旅邸的彩度和明度比起周圍環境的灰藍調相對較高，用以凸顯主題焦點。推測其繪製年代，可能在蔡草如剛從日本回國的戰後初期。
出處：黃冬富，國立臺灣美術館典藏詮釋資料，2018。