許深州

藝術類\膠彩畫

1955

膠彩、紙本

國立臺灣美術館

09100068

台語譯文：
許深州佇戰後初期的創作，是以現實社會內底婦女的生活題材人物畫為主，攏有經過一擺閣一擺斟酌觀察佮寫生，才閣用幼路活氣的筆法共描畫出來。伊對人物的款相（khuán-siùnn）、穿插（tshīng-tshah）、線條、色水、光暗、構圖以及空間感的表現，閣有畫題氣氛的營造攏有誠深入的探討，予伊的作品有寫實（siá-si̍t）、優雅閣裝飾的特質。
1955年第十屆「臺灣省全省美術展覽會」出品的〈賞畫（Siúnn-uē）〉，是伊用人物做主題創作的階段上尾的代表作，彼時美術評論家王白淵捌呵咾這幅圖「色水真柔軟，衫仔的花逝也有光佮暗的層次變化，是誠苦心經營的作品、〈賞畫〉這个作品，共一个婦人人（hū-jîn/lîn-lâng）佮一个囡仔（gín-á）敢欲去觀賞畫作的情景，畫甲真活跳、真有故事感，喙仔翹翹、面色無歡喜的囡仔共母親的手搝咧想欲走的動作，參想欲愛去觀臺、予囡仔搝袂行、拖袂振動的母親，成做三角形的構圖，有一種趣味的效果，雖然作品毋是敘述性（sū-su̍t-sìng）的描繪，毋過對囡仔佮婦人人無欲相讓的肢體動作，予觀者看著真愛笑。畫法展現出許深州一貫幼路的觀察佮膠彩畫（ka-tshái-uē）作品秀麗典雅的特色，對婦人人時行（sî-kiânn）的穿插、衫樣的布身、閣有色水幼細的變化，攏表現甲真絕妙。
出處：王雅玲，國立臺灣美術館典藏詮釋資料，2025。
許深州在戰後初期創作是以現實社會中婦女生活題材人物畫為主，都是經過反覆仔細的觀察與寫生，再以細膩靈活的筆法描繪出來。其對人物姿態、服飾、線條、色彩、明暗、構圖及空間感的表現與畫題氛圍的營造皆相當深入探討，使作品具有寫實、優雅且又裝飾的特質。1955年第十屆「台灣省全省美術展覽會」出品之〈賞畫〉是其以人物為主題創作階段最後的代表作，當時美術評論家王白淵曾讚此晝「色感富有柔軟性，衣服的花紋亦具有明暗的層次變化，係其苦心經營的作品、〈賞畫〉一作對於婦人與小孩要不要去觀賞畫作的情景作了具戲劇化的描述，噘著嘴表情不滿的小孩拉著母親的手想要往後走的樣子，與欲前往觀臺定站著不為所動的母親，形成三角形的構圖，擴散出一種趣味的張力，雖然作品並非是敘述性的描繪，但是從小孩與婦人拉鋸的肢體語言，令觀者會心一笑。畫風上展現許深州一貫細膩的觀察及膠彩畫作品秀麗典雅的特色，對於婦人時尚品味與衣著的質感及色調細膩的變化，皆有絕妙的表現。出處：薛燕玲，國立臺灣美術館典藏詮釋資料，2012。