林惺嶽

藝術類\油畫

2006

油彩 畫布

國立臺灣美術館

10800263

台語譯文：
1939年出世的林惺嶽，五十外年來的創作發展，佮伊的性命經驗相牽連，若講著伊的風格是按怎來形成佮轉變，就佮臺灣的時代經驗猶閣有歷史現實相敆相疊。伊的超現實（tshiau-hiān-si̍t）畫風是自1960年代尾延續到1980年代中期，1980年代中期以後，伊的創作對超現實轉做寫實畫風，而且以「島嶼自然」做顯性的主題，通好演繹（ián-i̍k）伊心目中臺灣的風土魅力。值得咱注意的，是伊的超現實繪畫路線並無退散抑是消失，顛倒是干焦無遐爾顯明覕去後壁爾爾，佮寫實的風格相疊做伙，而且捷捷用反思歷史的造像手路，來展現伊的主體精神欲建構的問題意識。
〈有幽靈穿梭的枯樹（koo-tshiū）林〉（2006）是林惺嶽2000年了後真罕得看著、用超現實的風格表述歷史思想真重要的作品，伊用傷痕累累（siong-hûn-luí-luí）、枯焦必巡（koo-ta pit-sûn）的樹身做主角，展現鬼影重重（kuí-iánn tiông-tiông）的憂思圖景，反映沉重的歷史反思意識，有真強烈的心理投射佮情緒感染的能量，真有警世佮批判的能動性。對繪畫意符（huê-uē ì-hû）的演繹面（ián-i̍k-bīn）來觀察，這件作品的議題通講是伊1989年〈黑日〉、1996年〈臺灣戒嚴統治〉的延伸，毋過佮彼兩件作品內底壓制全場的烏色日頭（oo-sik ji̍t/li̍t-thâu）無仝款，佇這幅圖內面無半人的枯樹林裡，共一切創甲死殗殗（sí-giān-giān）的烏色力量雖然猶有真拗蠻（áu-bân）的影響力，毋過藝術家用月眉形（gue̍h/ge̍h-bâi-hîng）的烏色日頭，來暗示沓沓仔咧消退的無形制約力量，而且用層次多元的漚黃色（àu-n̂g-sik），予本底冷冰冰的荒境加較有溫度感，閣有容允性命喘氣的氛圍。枯樹攏向正爿出力直直伸長，嘛形成有指涉（kí-sia̍p）意涵的動能，袂輸是一種雖然不安煞也真期待的情緒，用這寡真濟表情的枝骨結構，透露（thâu-lōo）出一種拚死嘛愛活落去的意志。荒涼（hong-liâng）佮孤𣮈（koo-khut），一直是林惺嶽的圖內面現出伊自我的心靈佮臺灣人文現實的特有的方式，毋過這件作品予咱看著伊毋是干焦檢視苦難，閣展現出一種袂規工浸佇傷痕的記憶、想辦法企圖予家己好起來的迴音；仝時陣，嘛顯示藝術家那咧創作，嘛那咧對彼當時的臺灣人文社會現況有伊家己的解說佮向望。
出處：賴欣宜，國立臺灣美術館典藏詮釋資料，2025。

出生於1939年的林惺嶽，五十餘年來的創作發展，與他的生命際遇息息相關，而其風格的形塑與轉捩變化，則與臺灣的時代經驗與歷史現實相互扣連及疊合。他的超現實畫風自1960年代末延續至1980年代中期，1980年代中期以後，其繪畫創作從超現實轉向寫實畫風，並以「島嶼自然」為顯性主題，藉以演繹他心目中的臺灣風土魅力。但值得注意的是，其超現實的繪畫路線並未退散或消失，而是由顯而隱地退居二線，與寫實風格疊覆並存，並每每以反思歷史的造像手法，來展陳其主體精神建構的問題意識。
〈有幽靈穿梭的枯樹林〉（2006）是林惺嶽2000年以後極少數以超現實風格表述歷史之思的重要作品，他以飽經折損、斑駁枯槁的樹身為主角，呈現魅影重重的憂思圖景，映射出深重的歷史反思意識，具有強烈的心理投射及情緒感染能量，富含警世及批判的能動性。從繪畫意符的演繹面來觀察，此件作品在議題上當可視為其1989年〈黑日〉、1996年〈臺灣戒嚴統治〉的延伸，但不同於前述兩件作品裏壓制全場的黑日，在畫中這無人的枯樹林中，迫使生機泯滅的黑色力量雖仍具有頑強的影響力，但藝術家以下弦黑日來暗示逐漸退散的無形制約力量，並以層次多元的黃赭色彩，為原本冷酷的荒境注入了溫度感以及容許生息呼吐的氛圍。枯樹們向右方戮力掙長延伸，亦形成具有指涉意涵的動能，彷彿存在著一種不安又充滿期待的情緒，經由極富表情的枝幹結構，透露出一種想要自死地中求生的意志。荒涼與孤寂，一直是林惺嶽繪畫中睇視自我心靈及臺灣人文現實的獨特方式，但此作透露出他在檢視苦難之餘，展現出一種不耽溺於傷痕記憶、企圖尋求自我療癒的迴音；同時，亦顯現出藝術家於創作之際，對當時臺灣人文社會現況的詮釋與期許。

出處：蔡昭儀，2021，《典藏目錄32》，國立臺灣美術館，頁237