蔡草如

藝術類\膠彩畫

1991

膠彩、紙本

國立臺灣美術館

09500149

台語譯文：
這幅〈酬謝神恩〉紙本膠彩畫，是佇1991年畫的。圖內底的王爺（Ông-iâ）佛仔（pu̍t-á）閣有彼隻親像欲衝出去的柴馬（tshâ-bé），攏是用較理性的幾何線（kí-hô-suànn）描形才閣漆色的平面表現手路，兩身下底攏有畫台仔（tâi-á），按呢𫞼著會較在，可見遮的攏是人做出來欲囥予人祭拜的佛仔。背景煙霧茫茫，略略仔看會出正面廟頂的形體，敢若是放炮（pàng-phàu）放甲規个坱蓬蓬（ing-phōng-phōng），柴馬的四肢跤頭趺邊仔，攏有浮飄（phû-phiau）一絲紫色的雲氣，加添一寡象徵性的夢幻氣氛。正爿下跤空白的所在用行草書寫「草如」，並且頓刻沉的「草如」肖形印（siàu-hîng-ìn）。
雖然主題是〈酬謝神恩〉，普通時較慣勢客觀寫生的蔡草如，佇這件作品內底，煞畫出全然無仝表現的風格，顛倒是試用較有造型的心象表現（sim-siōng piáu-hiān）這款手法，用類似幾何的筆線共主題物象畫甲親像是用紙拗出來的。畫這幅圖的時，蔡草如已經73歲，猶是迒大步去試遮爾大的改變，予咱知影伊仝款維持一粒精進自己的企圖心，佮真濟藝術界人士，往往若食老了後，所畫的風格就會愈來愈保守的現象真無仝。
王雅玲，國立臺灣美術館典藏詮釋資料，2025。
此幅〈酬謝神恩〉紙本膠彩畫，係完成於1991年。畫中的王爺神祗偶像以及作奔騰狀的木馬，都是採比較理性的幾何線描填色之平面表現手法，兩者下方均畫底座已利陳列之安穩，顯然都是出於人造之祭典擺設偶像。背景煙霧朦朧間，隱然呈現正面廟頂之輪廓，彷彿為濃烈的爆竹煙硝所籠罩，木馬的四肢膝蓋附近，各漂浮一小縷紫色雲氣，增添了幾分象徵性的夢幻氣氛。右下角空白處以行草署款「草如」，並鈐以陰文「草如」之肖形印。
雖然主題為〈酬謝神恩〉，平時習於客觀寫生的蔡草如，在這件作品中，卻有別以往的繪畫表現風格，而嘗試更富於造形意味的心象表現之手法，以類幾何筆線將主題物象畫得有如摺紙造形之狀貌。畫此圖時，蔡草如已73歲，仍然作如此大幅度的變革嘗試，說明他依然保持著自我突破的企圖心，有別於不少藝術界人士，往往在邁入老境之後，呈現畫風趨於保守之現象。
出處：黃冬富，國立臺灣美術館典藏詮釋資料，2018。