許淵富

藝術類\攝影

1961

黑白照片、聚酯塗佈RC、沖印

國立臺灣美術館

09800989

台語譯文：
臺灣典型巷仔（hāng-á）內文化的縮影，雖然空間真狹（e̍h），毋過厝邊隔壁好鬥陣，竹篙架（khuè）咧披衫曝被（phi-sann pha̍k phuē/phē），囡仔耍做伙，甚至佇家己門跤口排擔賣雜細，嘛加減做寡生理！
許淵富用徛直的構圖佮瀳光（tshînn-kng）的場景，毋但翕落來的畫面飽滇，閣較巧妙的，瀳光趨趨（tshu-tshu）照過來的光景，炤佇塗跤，予徛佇照光面的兩位囡仔人佮彼个𪜶當注神咧看的大人剪影化，顛倒是徛佇有蔭彼爿、抱一个咧哭的嬰仔的老爸（lāu-pē），塗跤的日頭光反射，共伊惜命命的表情看甲真清楚，邊仔阿媽（a-má）那弄手花那安搭囡仔，表現出咱臺灣媽孫仔、爸仔囝三代人（sann-tāi-lâng）蹛做伙，看著插雜（tshap-tsa̍p）毋過真有次序的日常生活（ji̍t/li̍t-siông sing-ua̍h）。許淵富掌握現場的攝翕（liap-hip）＜su-nah-phuh＞《snap》功力非凡。這張1961年翕的〈後街生活〉，入選《日本NIPPON CAMERA 1962年度月例賽、第二部烏白相片組十一月號》佳作。
賴欣宜，國立臺灣美術館典藏詮釋資料，2025。
台灣典型巷弄文化的縮影, 縱使是窄狹的空間, 鄰里間合睦相處, 從錯落灑掛的衣被、小孩間的玩笑, 甚至在自家門口旁擺小什貨, 做起生意來！
許淵富用直立式構圖及逆光場景, 除拍攝了飽滿畫面外,巧妙的是,逆光斜射的光景,直鋪地面,使站立在光照面的二位小孩,及她們直視大人的光景被剪影化,反而站立在陰影邊,抱著哭渧兒童的父親,被地面陽光反射出溫馨清晰的表情，而一旁奶奶安撫嬰兒的手勢,多呈現台灣亂中有序的三代同堂日常生活的寫照。許淵富掌握現埸的捉拍＜速納普＞《snap》的功力非凡。這一張,1961年所攝, 題名《後街生活》的作品, 入選《日本NIPPON CAMERA 1962年度月例賽、第二部黑白照片組十一月號佳作。
出處：簡永彬，國立臺灣美術館典藏詮釋資料，2018。