吳梅嶺

藝術類\水墨畫

1980

紙本設色

國立臺灣美術館

10100119

台語譯文：
牡丹花（bóo-tan-hue）是先生作品的一个大主題，牡丹這个題材代表富貴，所以若搪著人嫁娶、祝壽，抑是囥佇客廳中堂，攏真好吉兆，所以這个題材佇咱的生活空間是不止仔實在閣重要。
先生教冊有五十年遐久，少年的時閣共學生鬥相共繡這塊絹帛（kìn-pi̍k）頂的繡稿，當年查某學生繡好了後就綴咧做嫁妝，富貴白頭（hù-kuì pi̍k-thâu）的主題就成做必要的意涵構圖，刺繡（tshiah-siù）是用工筆白描（pe̍h-biô）予學生去繡，若吊佇廳堂抑是房間，大概攏用大筆寫意（tuā-pit siá-ì）的方式完成，大蕊的牡丹圖數量大多數是六蕊抑是十蕊，取伊六六大順（lio̍k-lio̍k-tāi-sūn）抑是十全十美（si̍p-tsuân-si̍p-bí）的意思。
這幅圖是斗方小品，用筆飄撇隨意，活潑袂拖沙，畫兩蕊紅牡丹佮一對白頭鵠仔（pe̍h-thâu-khok-á），結構簡單毋過頂真，收佮放攏拄拄仔好，全無廢筆，白頭鵠仔糖甘蜜甜相依相倚，有雙雙對對富貴白頭的意涵，這个題材雖然真傳統，卻是日常生活蓋實在的祝福。
賴欣宜，國立臺灣美術館典藏詮釋資料，2025。
牡丹花在先生的作品也是一大主題，牡丹的題裁寄意富貴，所以遇到結婚、祝壽，或放在客廳大堂上，莫不以此討個吉利，所以這題材在生活空間中變得非常實在而且重要。
先生教書縱跨五十年，年輕時還幫忙學生刺繡這一區塊絹布上的繡稿，當年女學生繡完成之後，隨著當嫁妝，富貴白頭的主題就成必要的意涵構圖，刺繡是工筆白描給學生織繡，如果懸掛廰堂或房間，大概都大筆寫意來完成，大畫牡丹數目大都六朵或十朵取六六大順或十全十美意。
此圖為斗方小品，用瀟灑率意的用筆，活潑痛快，畫著紅色牡丹兩朵和一對白頭翁，結構簡潔但嚴緊，鬆緊合宜，沒有任何廢筆，白頭翁依偎親蜜，有着雙雙對對富貴白頭的意涵，這題材雖然很傳統，但是在生活上是很實在的祝福。

款：梅嶺。
鈐印：梅嶺老人。

出處：陳宏勉，國立臺灣美術館典藏詮釋資料，2018。